Форум » Говорим на Карачаево-Балкарском | Алан тилде сёлешебиз » Келигиз, ана тилибизде селешейик! (продолжение) » Ответить

Келигиз, ана тилибизде селешейик! (продолжение)

иллада: Сёзлюк

Ответов - 301, стр: 1 2 3 4 5 6 7 8 9 10 11 All

Alan kmv: Салам Алейкум, джамагъат !

всезнайка: Alan kmv пишет: Салам Алейкум, джамагъат ! Уа гъалейкум ассалам! Джангы ай бла кёрюн кесинг да, Рамазан!!!!!!!!!!!!!

иллада: Alan kmv,кииииммм келгенди бизге?!)) Кертиси бла сенмисе?


Alan kmv: Всезнайка. Сау бол. Илада. Cен менге нек ыйнанмайса? хаманда?!

Abrek: Alan kmv[ алейкум салам!!! Хош кел!

иллада: Alan kmv пишет: Cен менге нек ыйнанмайса? хаманда?!

къарачайлы: Abrek

къарачайлы: иллада Энди ала бери келирле ётюрюкдю, не тилни билмейдиле, билселе да, менталитетлери башхады, аланы къой, ма сиз джанындан, Къыргъызстандан, кёчюб келгенле да бек къыйналадыла, келишелмей. Былай алыб къарасанг бир къралда джашаб тургъанбыз, ары кёчгенли да алай кёб заман ётмегенди, алай а башхады, а тыш къралладагъыла уа онла бла тёлю ёсгенди анда, менталитетлери башха, тиллери башха болуб бошагъанды. Былай белгили халкъым, тилим деб термилиб, бютеу табсызлыкълагъа кёз джумуб, келлик адам болмаса, башхала келлик тюлдюле, келселе да, кёбге чыдамазла.

иллада: Ансар, кёб сёз айтмай къысха къалай джуаб джазайым деб сагъыш этеме...))) Тышындагъыланы менталитетлери башхамыды дейсе?!)) Менда ол тышында туууб ёскенлени бириме. интересно. къаллайла болуб кёрюнебиз... )))))))

Alan kmv: иллада Ансар келгинчин ,кель мен бериб бир кёреим джуаб сен соргъангъа . Тышында тууб,ёскенлени кёб да танымайма. Дагъыда мен таныгъанлагъа къараб,сагъыш этсенг,мени кёзиме тышында ёсгенле игирекле кёрюнелле... Нек десенг,Ата джуртун,миллетин тансыкълаб джашагъанла миллетлерине ,адамларына бегирек джан ауруталла... Бундагъыланыуа кёб ,суу тюбюнде кёрюнмеген ташлары барды, Малокарачайдауа бютюмда... . Сенге ариу айта,махтай турсалада магъанасына къарасанг хыликки эте турула... . Сёзчюн ,ол аллай иги адамды джугъун къоймай берликди, тилегенге деселе... Бу джарлы кесин,башын сакълай билмейди дегенча англаргъа боллукъду... Тюз терс, англаисемда,бир затла къатышдырдым,Ансар келеесе толу джуаб берир... .

къарачайлы: Энди Гитче Къарачай бир джары, къалгъан Къарачай бир джары . Рамазан айтханлай башхабыз, бир-бири ичибизде тургъаныбыз ючюн болур да, бир-бирибизни эркелетиб, багъалатыб джашамайбыз, сора ол тышындан келгенле бир кесек сабий кёллюдюле дерге боллукъду, орусча айтсакъ наивный, ала термилиб, "хы да былайда кишиге керек тюл эсек да, анда, Къарачайда уа суула шарап, ташла - шекер" деб кёллерине келеди, сора бери келиб, алагъа хы да келдигиз эсе иги болду деген болмаса, киши артыкъ эс бёлмесе бир кесек сынадыла дегенча келеди кёлюме, сёз ючюн, бизни элде Къыргъызстандан кёчюб келген юйдеги бар эди, эки затны эследим, былай къарыусузуракъ, къалай айтайым, бизникилеча малгъа, ишге башларын урмагъанла, ол себеден джашаулары да къарыусузуракъ, биз къарамгъа кёре, къайдам бизни джашла кече кюн демей сабан салыб, мал тутуб, кюрешиб, чабыб, айлансала, былай юй аллында скамейкада олтуруб, лахор этиучю, сора экинчиси биз былайгъа келдик,бизге киши да болушмайды деб гурушха этерге ёчдюле. Энди хакъды, болушургъа керекди, былай мадармы болса, юйле ишлеб, иш джерле ишлеб, тышында тургъан къарачайлыланы джуртларына джыяр эдим, алай а кертилик былайды - хар ким кеси ючюндю(((

иллада: Alan, сабийге кёлю къалмасын деб селешкенча селешгеннге ушатдым джазгъан джазыуунгу ) Айтханларынга келишмейме(не согласна)... Адамланы сагъыш эткенлери джашагъан джерлерине къараб башха тюрлю болмайды. Тышында джашагъанланы ичинде да бар болу терс сагъыш эткенлери... Мында да тышында джашагъан казакълыла ызларына келе турадыла джашаргъа. Аланы юсюнден местныйле(къазакълыла) не сагъыш этелле (барысы да алай сагъыш этеди деб айтмайма), къалай къарайды эшитиб, кёрюб турама. Они тоже оказались на чужбине в разные исторические периоды( кто-то, когда Казахстан вошел в состав России; кто-то, когда был голод в 1919-1922гг, 1932-1933 гг.,да и еще: революция, раскулачивание). Некоторые, это им умудряются напоминать т.е. упрекают тем, что они сбежали оставив свою родину на чужбину... Бизникиледа аладан артха къалмайдыла...) Интернетден кесигизда окъугъан болусуз кесибизникилени отзывларын Мында къыралча, ол кёчюб келгенлеге болушханча болушсала не айтырыкъ эдиле деб сагъыш эте турама...) В.Меладзе джырлагъан бир джырны сёзлери эсиме келеди:« Я повсюду иностранец И повсюду я, вроде бы, свой.»)))) сейир джашау...)) Ансар, энди айтчы кесибизникиле бла башха миллетни менталитетлерини башха тюрлю болгъанын? ------- кёлюгюзге алмагъыз. бир кесек утрировать этерим келди))

иллада: къарачайлы пишет: сора бери келиб, алагъа хы да келдигиз эсе иги болду деген болмаса, киши артыкъ эс бёлмесе бир кесек сынадыла дегенча келеди кёлюме, сёз ючюн къарачайлы пишет: бизни джашла кече кюн демей сабан салыб, мал тутуб, кюрешиб, чабыб, айлансала, былай юй аллында скамейкада олтуруб, лахор этиучю, Сеннге да Аланнга айтханымы айтырыкъ эдим. адамланы барысыда бирча болмайдыла... Бир танымагъан адамны юсюнден хапар айтылыб, артда ол адам бла танышсанг, ол адамгъа игирек эс бёлесе ( айтхан сёзлерине, эткен ишлерине, кесини джюрюткенине адамланы ортасында д.б. уакъ затлагъада игирек эс бёлесе, къатынгда бурундан таныб, сёлешиб джюрюген адамынгдан эсе...все минусы и плюсы давнего знакомого воспринимаешь как должное, ничем непримечательное...) Мындагъыла, андагъыла болуб сагъыш эткенибизда аны ючю болу деб келеди кёлюме....

Alan kmv: иллада Керти кёлюмбла айтама... Мен кесимда джашауму кёбюсюн тышында айлангъанмада, кёргенме... Тышында кесинги миллетинге джан бегирек аурутаса,къолунгдан келсе болушургъада кюрешесе... Елинге ,джеринге кельсенг ,хар ким башы къайгъылы болад. Хар кимниди бардыда адамы ,джуугъу ,ала къайгъыларын кёрсилле дегенчада болад...

иллада: Alan kmv

рома 09: [всем большои салам

къарачайлы: иллада Мен ол аманды, бу игиди деб айтханлыгъым тюлдю, алай а бир башхаракъ болады, сюйсенг сюймесенг да, адам башха миллетни ичинде джашаса, аланы халилеринден кесине алады, анда айыб джокъду, ма сёз ючюн сабий тууады, къарачай юйдегиде, алай а оруслуланы ичинде, ол сабий юйде къарачайча сёлешселе да, халиге, адетге юретселе да, оруслула болгъан садха джюрюйдю, оруслула болгъан школгъа барады, сен педагогса аны билесе, сабийлени къылыкъ, хали къурауларында школ къаллай уллу роль ойнагъанын, сора бир къарачай элде туууб, школну бошаб чыгъыб кетгинчи къарачайлыладан башха кишини танымагъан адамны бирча менталитети боллукъду дерикмисе?

иллада: Ансар, къойдум. этот спор можно продолжать до бесконечности... спорить этерим келмейди).

Alan kmv: иллада Меним бир танышым айтханлай, айтыб къойдунгда.... Къой ,даулашырым кельмейди,хо деим да къояим ,-деученди бир бирледе...

tinibek: иллада Мен сени англайма Инди. Алай болса да Ансар тюз айтады Хар кимни сагьышы сени бла менича болса былайын да Елбаны да Казак дагьы карачайлыла бла Тюркдегьи карачайлыла кючлерге керек едиле Кесимден айтайым Ата джуртума ичим кетиб бара турганлыкъга джерде юйде беребиз деб чакъырсала барыр кюнюм джокъду Бизге былайда 100 джылдан артыкъ болады Бизнича бир еки тели болмаса бары да Тюрк манталитетге бурулуб бошагьанды Биз былайда носталжи етебиз Ансар бизни тюшюбюзден сагьайтады Мени да Елбада бири бла даулашырым келди да алай а кесими тыйдым ол да тюз айта еди Ма ол джазыу: Таукъан Эльбрусоид Сообщений: 31 Авторитет: 0 #24Это нравится:1Да/3Нет 24.02.2012 23:28:28 Тюзюн айтсам, аланы бери келиулерин артыкъ кюсемейме. Не Сириядыгъыла, не Къыргъызстандагъыла "джангы джуртларында" ма эки ёмюр тынччыкъ тура эдиле, от джангынчы келир умутлары бирда джокъ эди... энди уа, кеслерине керек болгъанлай, таулула богъанларын бек терк эслерине тюшюрюб, бир ариу джазадыла "юйюбюзге-джуртубузгъа къайтыргъа болушугъуз" деб. Анга дери уа нек тура эдиле? Дангы джерге юрениб, джарашыб анда орналыб къалгъан эдиле. Къайтыргъа излеген эртде къайтыркъ эди. Эресейде джукъ бузулгъанлай бийагъы секиррикдиле башха "атаджурт" табыб. Кюйсюздю, сёз джокъ... алай а, миллетибизге сансыз джашагъан халкъдашла керек тюлле. Башха джанындан, 3000 адам да алай аз тюлдю бизнича акъырын кёбейген миллетге-ишексиз, саныбызгъа къошарыкъ эдиле, алай а, ёзге тыйгъыч да барды... тыш къралладан талай алан бла сёлешген эдим-Тюркден, Къазахстандан, Америкадан... ийнаныгъыз, джашауакъыллары бизден башхады, 5-6 тёле айры ёсгенди, ызына къошулаллыкъ тюлдюле.

Alan kmv: tinibek Бу Таукъан джазгъанлагъа чырта разы тюльме мен. Бунда Кавказда туруб не игилик этгендике ол милетине,джерине ,деб сорурум кельди. Ата джурт анючю Ата джуртду,ата юйне тышында айланыб ,мадарларын кёрюб,аман иги болсалада къайталла сабийлери. Иги болса сабийлерин джашаулары тышында , Ата,Анада разы болалла,да джашаугъуз игиесе анда ,джукъ эталаесегиз ,насыблыесегиз, сюеедик къатыбызда болсагъыз,но кесигизге алай табесе туругъуз анда деб, мен таныгъанланы кёбюсю айтадыла... А тышында къаугъа ,уруш бола турса Ата-Анада излеририкди сабиин юйне,кёз туурасына джыяргъа... Мен англагъангъа кёре Ата джуртну магъанасы Ата-Ана юйнючады... Ол тышында джашагъан адамларыбызны барды бу Таукъанныча бир эркинликлери Ата-джурта... А къарачай,ёзден халиге миллет ичинде юрене,къайта барыла..

къарачайлы: Энди мен бу джазмагъа бек разы да тюлме, хоу тышында къалгъандыла, алай хар бирини бир чуруму, сылтауу болгъанды, барысын да бир кебге сыйындыргъан терсирекди, игитда болгъадыла "джуртум-къарным токъ болгъан джерди" дегенле да, алай асламысыны башха чурумлары бла къалгъандыла, алай тынч тюлдю, джылла бла джашаб, тамыр ийиб тургъан джеринден къобуб, кетиб къалыргъа. Мен аны неден айтама, къарт анам хапар айтыучан эди, атагъыз болмаса Къарачайгъа къайтырыкъ болмаз эдик, анда иги юй ишлеб, мюлк къураб адамча джашай башлагъан эдик, сора аны барысын да къоюб, кетерге чырт кёзюм къыймай эди, атагъыз - О хахай Къарачайны ташы, былайыны гырджынындан татлы деди, да алды да кетди деб))). Аны барысын да сандырагъаным, бусагъатдагъы тёлюледен джууаб излеген терсди, ким да болсун, къарачай аты болгъан джуртуна джыйылса ол тюлмюдю эм уллу аламатлыкъ? Алай а башыбыз бла ангылайбыз, анда джашаб тургъанла кёчюб келселе да, алай къартларыны хапарларындан таныгъан Къарачай джокъду, Къарачай да башха дуния тюрленнгенча тюрленеди, ол себебден кёбню кёлю чыгъарыкъды, сынарыкъды. Аны барысын да айтханым, игитда анда туууб къартайгъан адамларыбызны мингден бири келеме дерик болур, бу джашыракъ адамланы тартыргъа керекди, школланы джангы бошагъанланы, сёз ючюн, былайда, Къабартыда, университетде тышындан адыгла окъуйдула, онусу джуртларына къайтса, бири къалады, бизде да алай этерге нек болмай, келе келсе не юйдегиленир, не иш табар кесине, не да Къарачайны тансыкълаб къалыб кетер

иллада: Метин, Ансар мени тюшюмден сагъайтырча джукъ айтмагъанды былайда) Мен быллай, ол Таукъанча айтхан сёзленида къулагъыма алмайма) Игидта, бурулуб джуаб берирча джазылгъанды джазыула... алай болса да, кишигеда кесими керти къарачайлы болгъанымы, джерими, элими юсюнден сагъышларымы къаллай болгъанын кёргюзтюрге борчлу тюлме деб санайма. орусча айтсам: никому ничего не обязана доказывать) tinibek пишет: Бизнича бир еки тели болмаса бары да Тюрк манталитетге бурулуб бошагьанды Къайдам, Ансар айтханлай кесибизни тилде игирек сёлеше билмейди дегени болмаса Facebook,Kamatur да джазылгъан джазыуланы окуъб, алай сагъыш этмейме. tinibek пишет: Ата джуртума ичим кетиб бара турганлыкъга джерде юйде беребиз деб чакъырсала барыр кюнюм джокъду Метин, къалай айталдынг былай? Мен сенден Кавказ таулагъа салам айтыб, дагъыда тёгерекге игирек къараб, бурунда хаманда кёрюб тургъан джерлерим болсада... эски эл джашагъан юй орунла къалайлада болду болур-деб...) сеннге Теберди джанындан табыракъ джерле къараб келсем)) джолну къыйырында капуста салыннган джерлени кёрюб: "Метин бери келсе, андача джер бла кюрешкен ишин мындада эталлыкъ болур эди"-деб сагъыш эткен эдим)) а сен а келмейме дейсе

иллада: Мени керти тюшюмден сагъайтхан зат башхады... Мында кесибизни миллетни юсюнден къуру бир затха ёхтем болуб айлана эдим-ол атасын-анасын, неда джуукъларын кишиси болмагъан, къараргъа адамы болмагъан къартла джашагъан юйледе бизникиледен адамларыбыз болмагъанына... Алай а, алай тюл кёреем... кёб болмай одноклассникледе къарачай группада окъудум бу хапарны... башха миллетледен башхабыз болмай къалгъанды...

tinibek: Тауканны есге алмайма Аллайланы кёб кёргенме бютеу Къарачайны ийеси ол болур еди атасыны джаны ючюн. Алай болса да терен сагьыш ете тебресенг джашны тюз айтхан затлары барды сёз сурийа бла кыргызны юсюнден баргьанлыкъга тайакъ бютеу диаспорагьа тийеди Мени сартын Кыргызыстан бла Казакга кёчюрюлгенле , Сурыйа бла Тюркийа га кёчгенле бир тюлдю. Сурыйачыла Тюркге кёчгенлени тохтамай сурыйага ётюб кетген къауумуду. Стампулчула Тюркге зорла кёчюрюлмегендиле Кеси разылыкълары бла келгендиле. Ол заман да неле болуб неле джашаб Ата джуртларын къойуб кетгендиле билмейме. Къарнашларын , егечлерин, туудукъларын, сабийлерин къойуб, къойуб кетерча не кыйынлык джетген еди алай таш джюрекли къалай болалган едиле джуртларын харам етерча. Харким кесине табны джазады тарих деб. Мен кесими аланы орнуна салсам етилгенни тюзге санамайма Не да айтылмагьан джазылмагьан бир затла барды аланы джуртларында джашаргьа къоймагьан... Миллетчи патрыот адам не болса да не аман кыйынлык джетсе де джуртун къойуб кетерге джарамайды ол адамлык тюйюлдю Къайдам.. Мени сагьышым былай болгьанлыкъга ойум ол заманнга кёре етилирге керекди. Ала кеслерин тюзге санаб джуртларын къойуб кетгендиле Тюзюн билген Аллахды... Была мени ата джуртуму, миллетими, кюлтюрюмю сюйерге, былагьа ийе болуб джашаргьа, джашатыргьа нек тыйгыч болурга керекди Асимиле болгьаннга санаб ''Оразаны кимле тутган есенг , байрамны аны бла ет'' дерге ми керекди! Адамланы алай айтыр еркинлиги да барды бир джаны была къараснг. Алай дегеним ; Бизни къарт аталарыбыз мында биринчи дуныйа къазаууат да османлы имперйаны аскери болуб урушга барыб кёб адамыбыз кырылганды. Ызы была имперйа тюб болуб джерине Тюркийа къурала тебрегенинде казаууатла болуб алайда да кёб адамыбыз кырылганды айтырым олду Тюркге кан бериб джан бериб орналганбыз Алай харне къолай бла болмагьанды. Былайда кесикесиме соруум кан да джан да бериллик есе бу Ата джуртга берилмей былайлада нек зыраф бола турганбыз... Быланы соза барсам айтыр зат кёбдю Кысхасы бла КАДАР деб къойама Аллах алай буйурган болур... Билмейме... İндира.. Келир кюнюм джокъду. Биз былайда тёртюнчю бешинчи генарасйоннга айланнганбыз енди Карт аталарыбызны атган урлукълары мында чаккъанды енди Тюркге тамыр ийгендиле Адамла джашагьан топракларына ушайдыла Таулу къалай тауга ушай есе тюзню адамы да тюзге ушай барады Манталитети да аннга кёре тюрленеди сагьышларыбыз да джашагьан джерибизге сёлешген тилибизге кёре бурулады. Ансарны айтханын былай англайма. Тюзге санайма. Къарачайда джашарга урунурга излеген адам къарачайда тууарга керекди. ДЖазганларым еки адам джазганча кёрюне болур кёзюгюзге ... Да алайда болур. Мында кертме терекге орнатылган алмачабыз. Не алма болалдык не да кертме! Кысхасы бла айтсам иги кюнде да кыйын кюнде да бизни джерибиз Тюркийеди. Быллай бир къарт болмасам не етиб кайытыр едим джуртума.Алай сюйеме джуртуму миллетими. кёчюб баралмасамда Ата бабаларымы джуртуну кёрмей кетсем кёзлерим джабылмай кетер...Бир кууанч хапарым тукум джууукъларымы табыб къууанч тыбырлы болуб турама Ала маннга тукум тамырыбыз Коджаклары>Чыпчыклары >Къуатлары деб джазгандыла.. Ичигизде джууукъ джетген бар есе ))

къарачайлы: tinibek Мени къарт анам экинчи стампылчыла кёчген джылны къачында туугъанма деучен эди, аны атасыны атасы, атасыны бютеу къарнашлары кёчюб кетгенди, алай а кёбню да туралмай ызларына къайтхандыла. Аналарын да анда джерге бериб. Ол айтхандан о хахай оруслула муслиман динни сыйырадыла, христиан диннге зорлайдыла деген хапар чыгъыб къуугъун болгъанды, Тюркге барабыз деб да бармагъандыла, Шамгъа барыр акъыл бла чыкъгъандыла джолглъа, къутсал топракълагъа джол салыб. Миллет къарангы болгъанды, билимсиз болгъанды. къайсы болса да бир фанатик "хара" десе барысы да аны ызындан кетгенди.

Abrek: tinibek джазады: Сурыйачыла Тюркге кёчгенлени тохтамай сурыйага ётюб кетген къауумуду. Стампулчула Тюркге зорла кёчюрюлмегендиле Кеси разылыкълары бла келгендиле. Ол заман да неле болуб неле джашаб Ата джуртларын къойуб кетгендиле билмейме. Къарнашларын , егечлерин, туудукъларын, сабийлерин къойуб, къойуб кетерча не кыйынлык джетген еди алай таш джюрекли къалай болалган едиле джуртларын харам етерча. Харким кесине табны джазады тарих деб. Мен кесими аланы орнуна салсам етилгенни тюзге санамайма Не да айтылмагьан джазылмагьан бир затла барды аланы джуртларында джашаргьа къоймагьан... Бу сезлеринги тюбюне мен да къол салама. Къыргъызсатннга кечкенле зор бла кечгенлеге санайма. Тюркге кечгенле, кеслери кетгендиле эллерин джерлерин къоюб. Аны уа тюзге санамайма. Алай боса да ол кечген адамланы туудукъларында, анда тюркде, терсликлери джокъду. Ата-бабала кеслерини амалларына кере этгендиле, аланы туудукълары да кеслери алмалларына кере этерикдиле. Ол себебден, хар адамны джурту-туугъан джериндеди, но алай боса да сизни эки джуртугъуз да барды, Тюрк бла Къарачай. Къалайда босагъыз да разы болуб джашасагъыз, андан сора бир зат да керек болмаз.

иллада: tinibek пишет: барды сёз сурийа бла кыргызны юсюнден баргьанлыкъга тайакъ бютеу диаспорагьа тийеди тюз айтаса... tinibek пишет: Быланы соза барсам айтыр зат кёбдю Кысхасы бла КАДАР деб къойама Аллах алай буйурган болур... Билмейме... Аллахны джазыуу алай болу... Ким биледи... былай тышында джашамасакъ бизда ол джашха къошулуб аныча неда андан зор сёлеширикми эдик... ------ къаллай ауур темады...

tinibek: иллада пишет: къаллай ауур темады... Да къойдук сора ... Бирге болса АЛАН миллетим Кычырырсыз ешитирча къабырым

иллада: tinibek пишет: .Бир кууанч хапарым тукум джууукъларымы табыб къууанч тыбырлы болуб турама Ала маннга тукум тамырыбыз Коджаклары>Чыпчыклары >Къуатлары деб джазгандыла.. Ичигизде джууукъ джетген бар есе )) Энди ала бла Кавказгъа да келиб танышырча этсин Аллах мен билиб меннге быллай тукъумла джуукъ джетмейди) Интернетде кёрючанма быллай тукъумлары болгъан адамланы... энди кёрсем сеннге билдирирме



полная версия страницы